MAIOS 2022

O pasado venres 29 de abril, desprazámonos á Alameda de Allariz para conmemorar os Maios deste ano. Durante esa semana, o centro encheuse de mini
maios elaborados polo alumnado en colaboración coas súas familias.

Aquí vos deixamos dous vídeos sobre os Maios elaborados e sobre o ben que o pasamos o venres 🤩

8 DE MARZO: DÍA INTERNACIONAL DA MULLER

Este martes, 8 de Marzo, conmemoramos o Día Internacional da Muller.

Por un lado, o alumnado de sexto interpretou a canción "Matriarcas" de Guadi Galego:

Por outro lado, decoramos o centro para tal día, aproveitando o proxecto "Donas de Si".

Deste xeito, cada aula escolleu unha muller e durante o día de onte, realizáronse actividades relacionadas coa temática.

Aquí vos deixamos outro vídeo coa decoración.

Un ano máis loitando pola IGUALDADE 💜

ENTROIDO 2022

A pasada semana comezamos a celebrar o Entroido cos Mandatos do Meco de luns a xoves.

Pero o venres... era día de disfraz libre!

E aquí deixamos unha pequena mostra dos disfraces tan chulos que levou o noso alumnado... ían todos ben xeitosos!

NADAL 2021

Por fin chegou unha das datas máis especiais do ano: O NADAL.

Aquí vos deixamos unha pequena montaxe sobre a decoración realizada para esta data no noso cole. Este ano a temática elixida para a decoración foi a de bolas e velas.

Agora a desconectar nestes días de vacacións e desfrutar moito.

Vémonos o 10 de xaneiro, coas pilas cargadas.

Boas festas, familias!

Samaín

SAMAÍN 2021

O pasado venres, día 29 de outubro, celebramos o Samaín no colexio, con baile incluído por parte do equipo de animación de 6º!

Pese a non poder celebrarse un festival en condicións, o alumnado encargouse de decorar o colexio por todo o alto. Dentro vídeo!

Esperamos que vos guste!

Vémonos pronto...

SAMAÍN 2019

O 30 de novembro celebramos o festival do Samaín e da Biblioteca Escolar.

A continuación poderedes ver fragmentos do festival e a decoración do colexio.

Esperamos que vos guste!

Canción do vídeo. Samaín. Letra e interpretación: Antonio Saco. Titor de 5º A de E.P.

A NOITE DE SAMAÍN. 2018

Chegado o fin do mes de outubro, os pobos celtas, celebraban unha festa chamada Samhain para conmemorar "o final da colleita".

Era o momento do ano no que os antigos celtas almacenaban provisións para o inverno e sacrificaban animais.

Pensaban que a noite do 31 de outubro, os espíritus dos mortos volvían para visitar o mundo dos mortais. Prendían grandes fogueiras para alonxar aos malos espíritus. Tamén pintaban e amontoaban as caveiras dos seus mortos.

A costume era deixar comida e doces fóra das casas e acender candeas para axudar a que as almas dos mortos atopasen o camiño cara a luz e o descanso xunto ao deus Sol, nas Terras do Verán.

* Para seguir coñecendo as orixes desta festa podes mirar os seguintes enlaces:

http://www.xente.mundo-r.com/norberto/recursos/samain/historia.html

http://arquehistoria.com/historias-origen-de-halloween-samhain-y-los-celtas-592